Exodus 37
Genesis « Exodus 36 ‹ Exodus 37 › Exodus 38 » Leviticus
ՈՒԽՏԻ ՏԱՊԱՆԱԿԻՆ ՇԻՆՈՒԹԻՒՆԸ (Ելք. 25. 10-22)
1Բեսելիէլ սատիմի փայտէ շինեց տապանակը. անոր երկայնքը երկուքուկէս կանգուն էր, անոր լայնքը՝ մէկուկէս կանգուն, եւ անոր բարձրութիւնը՝ մէկուկէս կանգուն։
2Ներսէն ու դուրսէն զուտ ոսկիով պատեց զայն, եւ անոր շուրջը ոսկի շրջանակ մը շինեց։
3Անոր չորս անկիւններուն համար չորս ոսկի օղակ ձուլեց, այսինքն անոր մէկ կողմը՝ երկու օղակ, ու միւս կողմը՝ երկու օղակ։
4Սատիմի փայտէ ձողեր շինեց, զանոնք ոսկիով պատեց,
5եւ ձողերը անցուց տապանակին կողմերը եղող օղակներուն, որպէսզի տապանակը անոնցմով կրուի։
6Քաւութիւնը զուտ ոսկիէ շինեց. անոր երկայնքը երկուքուկէս կանգուն էր, ու լայնքը՝ մէկուկէս կանգուն։
7Երկու ոսկիէ քերովբէ շինեց. զանոնք կռածոյ շինեց, Քաւութեան երկու ծայրերը.
8մէկ քերովբէն՝ մէկ կողմի ծայրը, միւս քերովբէն՝ միւս կողմի ծայրը։ Քերովբէները Քաւութենէն առնուած շինեց, անոր երկու ծայրերը։
9Քերովբէները իրենց թեւերը վերէն տարածելով՝ իրենց թեւերով Քաւութիւնը կը ծածկէին։ Իրենց երեսները իրարու կը նայէին. քերովբէներուն երեսները դէպի Քաւութիւնը դարձած էին։
ԱՍՏՈՒԾՈՅ ՄԱՏՈՒՑԱՆՈՒԱԾ ՀԱՑԻՆ ՍԵՂԱՆԻՆ ՇԻՆՈՒԹԻՒՆԸ (Ելք. 25. 23-30)
10Սեղանը սատիմի փայտէ շինեց։ Անոր երկայնքը երկու կանգուն էր, լայնքը՝ մէկ կանգուն, ու բարձրութիւնը՝ մէկուկէս կանգուն։
11Զուտ ոսկիով պատեց զայն, եւ անոր շուրջը ոսկի շրջանակ մը շինեց։
12Նաեւ անոր շուրջը չորս մատնաչափ եզերք մը շինեց, ու եզերքին շուրջը՝ ոսկի շրջանակ մը։
13Չորս ոսկի օղակ ձուլեց անոր համար, եւ օղակները անոր չորս ոտքերուն քով՝ չորս անկիւնները դրաւ։
14Օղակները եզերքին քով էին. սեղանը կրելու ծառայող ձողերուն անցընելու տեղերն էին։
15Սեղանը կրելու ծառայող ձողերը սատիմի փայտէ շինեց եւ զանոնք ոսկիով պատեց։
16Սեղանին վրայ եղող առարկաները, անոր ափսէները, խնկամանները, թասերն ու 1թափելիք նուէր ընծայելու՝՝ բաժակները զուտ ոսկիէ շինեց։
ԱՇՏԱՆԱԿԻՆ ՇԻՆՈՒԹԻՒՆԸ (Ելք. 25. 31-40)
17Աշտանակը զուտ ոսկիէ շինեց. կռածոյ շինեց աշտանակը։ Անոր բունը եւ ճիւղերը, անոր սկահակները, գնդակներն ու ծաղիկները իրմէ առնուած էին։
18Անոր կողմերէն վեց ճիւղ կ’ելլէր. աշտանակին մէկ կողմէն՝ երեք ճիւղ, եւ աշտանակին միւս կողմէն՝ երեք ճիւղ։
19Մէկ ճիւղին վրայ նշաձեւ երեք սկահակ՝ գնդակով ու ծաղիկով, եւ միւս ճիւղին վրայ նշաձեւ երեք սկահակ՝ գնդակով ու ծաղիկով. աշտանակէն ելած վեց ճիւղերը ա՛յսպէս էին։
20Աշտանակին վրայ չորս նշաձեւ սկահակ կար՝ իրենց գնդակներով եւ ծաղիկներով.
21անկէ ելած վեց ճիւղերուն համեմատ՝ երկու ճիւղի տակ իրմէ ելած գնդակ մը կար, ուրիշ երկու ճիւղի տակ՝ իրմէ ելած գնդակ մը, եւ ուրիշ երկու ճիւղի տակ՝ իրմէ ելած գնդակ մը։
22Անոնց գնդակներն ու ճիւղերը իրմէ առնուած էին. ամբողջը՝ մէկ կտորէ, զուտ ոսկիէ, կռածոյ էր։
23Անոր եօթը ճրագները, ունելիները եւ ճրագաբերանները զուտ ոսկիէ շինեց։
24Զայն իր բոլոր առարկաներով՝ տաղանդ մը զուտ ոսկիով շինեց։
ԽՈՒՆԿ ԾԽԵԼՈՒ ԶՈՀԱՍԵՂԱՆԻՆ ՇԻՆՈՒԹԻՒՆԸ (Ելք. 30. 1-5)
25Խունկի զոհասեղանը սատիմի փայտէ շինեց։ Անոր երկայնքը կանգուն մըն էր, անոր լայնքը՝ կանգուն մը — քառակուսի էր —, եւ անոր բարձրութիւնը՝ երկու կանգուն։ Անոր եղջիւրները իրմէ առնուած էին։
26Անոր վրան, անոր կողմերը՝ բոլորաձեւ, ու անոր եղջիւրները զուտ ոսկիով պատեց. նաեւ անոր շուրջը ոսկի շրջանակ մը շինեց։
27Անոր երկու ոսկի օղակ շինեց՝ անոր շրջանակին տակ, անոր երկու անկիւնները, անոր երկու կողմերուն վրայ, որպէսզի անոնք անցընելու տեղեր ըլլան ձողերուն՝ զայն ասոնցմով կրելու համար։
28Ձողերը սատիմի փայտէ շինեց, ու զանոնք ոսկիով պատեց։
(Ելք. 30. 22-38)
29Ձողերը սատիմի փայտէ շինեց, ու զանոնք ոսկիով պատեց։
ՕԾՈՒՄԻ ԻՒՂԻՆ ԵՒ ԽՈՒՆԿԻՆ ՇԻՆՈՒԹԻՒՆԸ
29Սուրբ օծումի իւղը եւ մաքուր անուշաբոյր խունկը շինեց՝ 2բուրագործի արհեստին համեմատ։